كريسمس اُوما و وا مَتِلِ زِمِسُو بويي هُم صدا
عيسي دِ اي شُو اُوما وِ دي و بَرگُزيدِه ذاتِ خدا
دِ وِلاتي جشن و شادِمُونيهِ و نير و خَنِه غِريو و هُمسا
برف گُراگُر بارِه و دارِ كاج گِرِتمُونِه وِ سا
بابا نوئل ها دِ رَه و كادو ديِه وِ كُر و دُختِرا
وِ سُوار سورتمِه يا و دِر هَمُونِن زِنِه وا لا
گُوئِه عَزيزُونِم؛ دي شُو عزيز دَس بَكِني دِ مِل يَك؛ غِريو و آشنا
بُنيادِ دُنيا وِ خَنِه و خُوشيه؛ نِلي كينِه دِ دِرين تُو بِييرِه جا
رِي وِ پابوس يَكتِري و وِ آرِمُو بايي وِ پروردگارِ بي همتا
اهريمنِ دلگيرين دير كُني و هيمِه راسي بَني وِ تِژغا.